June 8, 2026

የአብክመ ንግድና ገበያ ልማት ቢሮ በ2017 በጀት ዓመት አፈጻጸሙ በመገምገም በ2018 በጀት ዓመት ዕቅዱ ላይ ከዞንና ከተማ አስተዳዳር ንግድና ገበያ ልማት መምሪያዎችና ሌሎች ባለድርሻ አካላት ጋር መክሯል። የአማራ ክልል ንግድ እና ገበያ ልማት ቢሮ ኀላፊ ኢብራሂም ሙሐመድ (ዶ/ር) ተቋማቸው በ2017 በጀት ዓመት የንግድ ሥርዓቱን በማሳለጥ ሕዝቡን ከዘርፉ ተጠቃሚ ለማድረግ መሥራቱን ገልጸው በ2018 በጀት ዓመት የላቀ ውጤት ለማስመዝገብ መስራት ይገባል ብለዋል። ‎በፌዴራል ደረጃ በተደረገ የ2017 አፈጻጸም ውድድርም ተቋማቸው በሁለት ዘርፎች በአገር አቀፍ ደረጃ የሁለተኛ ደረጃ ተሸላሚ መሆኑን አውስተዋል። የጥራጥሬ እና ቅባት እህል ኤክስፖርት ላይም የተሸለሙ ባለሃብቶች መኖራቸውን ጠቅሰው ለውጤቱ የቢሮው የተዋረድ ተቋማት ድጋፍ እና ጥረት ከፍ ያለ መሆኑን በማንሳት አመስግነዋል። ‎ሕገ-ወጥ ደላላን፣ አላስፈላጊ ኬላን እና ሕገ-ወጥ ንግድን ‎መከላከል በ2018 በጀት ዓመት በትኩረት የሚፈጸሙ ተግባራት መሆናቸውን ቢሮ ኃላፊው አሳውቀዋል። ‎ ከክልሉን ከኋላ ቀር እና ፍትሀዊነት ከጎደለው የንግድ ሥርዓት የማላቀቅና ‎የውጭ ምንዛሪ ግኝትን የማሳደግ ስራ በዚህ ተቋምና አጋሮቹ ላይ የተጣለ ትልቅ አደራ መሆኑን አውስተው በየደረጃው ያለ አካል ከነበረው በላቀ የኃላፊነት ሊሰራ እንደሚገባው አሳስበዋል። ‎ጅምሮችን እና ምቹ ሁኔታዎችን በመጠቀም የበለጠ መሥራት እና የንግድ ሥርዓቱን በማዘመን ስኬታማ መሆን ይጠበቃል ነው ያሉት።  በዚህም ሕዝቡን ከዘርፉ ተጠቃሚ ማድረግ እንደሚገባ ዶክተር ኢብራሂም አስረድተዋል። በውይይቱ ተሳታፊ ባለድርሻ አካላትም ተቋሙን ወደ ተሻለ ደረጃ ለማድረስ በትጋት እንደሚሰሩ ቃል ገብተዋል ፡፡

በወቅታዊ የነዳጅ ስርጭት ችግሮች ዙሪያ የንግድና ገበያ ልማት ቢሮ ከሚመለከታቸወ አካላት በተገኙበት ውይይት አካሒዳል። ለመወያያ መነሻ የሚሆን ጽሁፍ በንግድና ገበያ ልማት ቢሮ ም/ቢሮ ሀላፊ በአቶ ፈንታው ፈጠነ ቀርቧል።  በነዳጅ አጠቃቀም ዙሪያ የወጡ አዋጆችን ፣ በአዋጁ መሰረት የተሰሩ ስራዎችን፣ በአሰራር ላይ የመስተዋሉ ተግዳሮቶችንና የቀጣይ አቅጣጫዎችን በዝርዝር ለታዳሚያን የቢሮው ምክትል ኃላፊ አቶ ፈንታው ፈጠነ አቅርበዋል ።  በፀጥታና በፈፃሚ ስም እየገቡ የነዳጅ ስርጭት ሂደቱን የሚያውኩ አካላት እንዳሉም አቶ ፈንታው ሳይጠቁሙ አላለፋም። ተሳታፊ አካላት በአሰራሩ ላይ እያጋጠሙ የሉ ችግሮችንና መፍትሔዎችን በዝርዝር አንስተዋል።  ከተሰጡ አስተያየቶ አንድ የፖሊስ አመራር እንደገለፁት ነዳጅ ማደያ ተቋማዊ ሳይሆን ግለሰባዊ ነው ። አስተያየት ሰጭው ነዳጅ ማደያ ላይ ደላላው ፣ ማደያውና አንድ ሌላ ተጠቃሚ አለ ያሉ ሲሆን ለወረፋ አስከባሪ በቀን 5000 ብር የሚከፈልበት የነዳጅ ማደያ እንዳለም ጠቁመዋል። አስተያየት ሰጭው አያይዘውም ነዳጅ ተቋማዊ ሆኖ ሊመራ ይገባዋል ብለዋል። የስብሰባ ተሣታፊ የሆኑት ኮሚሽነር አበበ ውቤ ከዚህ ውይይት የተረዳነው እኛ የፀጥታ መዋቅር የሌባው ተባባሪ እንደሆነን ነው የተሠማኝ ብለዋል። በመካከላችንም ተላላኪ ደላላ አለ ጉራማይሌ አመራርም በትልቁ ተፈጥሯል ። ውስጣችን መፈተሽ አለብን የሚመታ ካለም መመታት አለበት ያሉ ሲሆን የንግድ ቢሮ ሳያውቀው የሚወጣ ነዳጅ መኖር የለበትም ፤ ንግድም በስሩ ያሉት ተባባሬና የጥቅሙ ተጋሬ ላይ ርምጃ መውሰድ አለበት ነው ያሉት። የክልልሉ የፍትህ ቢሮ ም/ቢሮ ኃላፊ የሆኑት አያሌው አባተ (ዶ/ር) ችግሮች የሚመነጬት ያሉ እውነታዎችን ፊት ለፊት አውጥቶ ካለመነጋገር ነውና ችግሮች ፍንትው ብለው ወጥተው በቅንጅታዊ አሰራር ፈጥነን ልንፈታቸው ይገባል ያሉ ሲሆን ጉዳዩ የሚመለከተው ተቋምም ከዚህ ተመልሶ ራሱን እንደገና ማየት እንዳለበት አሳስበዋል ። የንግድ ተቋም ስራው የነዳጅ ስርጭት አዋጁን መሰረት ያደረገ ስራ መስራት ሲሆን ከዚህ ባለፈ ክስ መመስረት እንደሆነ የገለፁት የንግድና ገበያ ልማት ቢሮ ኃላፊ ኢብራሒም ሙሀመድ (ዶ/ር) የእኛ ተቋም ባለሙያ በህገ ወጥ መንገድ ሲሰራ ከተገኘ ፖሊስ ተከታትሎ እርምጃ እንዲወስድ አሳስበዋል።ኃላፊው አያይዘውም ዓለም አቀፋዊ ሁኔታው የፈጠረው የነዳጅ እጥረት ችግር አንስተው በዚህ አስቸጋሪ ሁኔታ አልፎ በመጣው ነዳጅ ላይ ካለአግባብ ጥቅም ለማግኘት በተሰገሰጉ አካላት ላይ ርምጃ በመውሰድ ህግን ማስከበር ከምን ጊዜውም በላይ ትኩረት የሚሻ ተግባር በመሆኑ ገልጸው በየደረጃው ያለ የፀጥታ አካል የበኩሉን ሊወጣ እንደሚገባው በአጽንኦት አሳስበዋል። የቀጣይ አቅጠጫዎችንም አስቀምጠዋል። ከተቀመጡ አቅጣጫዎች መካከል ፦ _ከማደያ ውጭ ነዳጅ እንደማይሸጥ፣ ሲሸጥ ከተገኘም የፀጥታ አካላት እርምጃ እንዲወስዱ፣የተጨማሪ ሳልባትዮ ፍተሻ እንዲደሰስ ፣ ከተገኘም ህገ ወጥ ስለሆነ ርምጃ እንዲወሰድ፣በዚህ መድረክ የተያዘው ግንዛቤ ወደ ታች እንዲወርድ የሚሉና ሌሎችም ይገኙበታል። በባህር ዳር ከተማ የተገነባው ሁለተኛ ደረጃ ዘመናዊ የገበያ ማዕከል ተመርቆ ለአገልግሎት ክፍት ኾነ። * * * * * *

 መድረክ ተካሄደ፡፡ የንግድና ገበያ ልማት ቢሮ ከግብርና ምግብ ማጠናከሪያ ፕሮግራም ጋር በመተባበር በተመረጡ ዞኖች ለሚገኙ የግብርና ምርቶች ግብይት ቡድን፣ ለግብርናው ሴክተር አካላትና አንዲሁም የንግድና ገበያ ልማት ሴክተር አካላት፣ የባህርዳር ከተማ አስተዳደር ንግድና ገበያ ልማት መምሪያ ም/ ኃላፊና ቡድን መሪዎች በተገኙበት በምርት ትስስር ርዕሰ ጉዳይ ላይ .የግንዛቤ መፍጠሪያ መድረክ ተካሂዷል ፡፡ በንግድና ገበያ ልማት ቢሮ የሰብል ግብይት ዳይሬክቶሬት ዳይሬክተር አቶ ልንገረው ሀበሻ ለገበያ ትስስር የተዘጋጀውን መዋቅራዊ ሰነድና የአርሶ አደር የግብይት ቡድን አደረጃጀት የሚያስገኘውን ጠቀሜታ በዝርዝር ለተሳታፊዎች ያቀረቡ ሲሆን የተነሱ የተሳታፊ ጥያቄዎችን መሰረት በማድረግ ማብራሪያ ሰጥጠዋል፡፡ ዳይሬክተሩ ችግሮችን ለመፍታት የበኩላቸውን እንደሚወጡ ገልጸው ሁሉም አካል በአሰራሩ መሰረት ህጋዊ አሰራሩን ተከትሎ የሚያጋጥሙ ችግሮችን እየፈታ ሊሄድ ይበገባዋል ብለዋል፡፡ ተሳታፊዎች በበኩላቸው ይህን ጠቃሚና ሳይንሳዊ የግብይት ትስስር እውን ማድረግ እጅግ ጠቃሚ እንደሆነ ቢታወቅም በተግባር ወደስራ ሲገባ በርካታ ችግሮች ስላሉ ተባብረን ልንፈታቸው ይገባል ብለዋል፡፡ እንደችግር ከተነሱት መካከል ፡- ነጋዴዎች ተመሳጥረው ዋጋ ይወስናሉ፣ የዳላላ ጣልቃ ገብነት አሁንም አልቀረም፣ የግብይት ቡድኑ በትክክል ኃላፊነቱን እየተወጣ አይደለም እንዲያውም ለአምራቹ ከመቆም ይልቅ ከደላላ ጋር ይመሳጠራል፣ ነዳጅ ስንጠይቅ ማደያዎች ያንከላክሉናል የሚሉና ሌሎችም ይገኙበታል፡፡ የንግድና ገበያ ልማት ቢሮ ግብይት ዘርፍ ም/ቢሮ ኃላፊ ወይዘሮ አትክልት አሳቤ የግብርና ምርት ትስስር የአምራቹንና የሸማቹን የጋራ ተጠቃሚነት ለማረጋገጥ የሚረዳ ፣ አምራቾች ሳይዋከቡ ምርታቸውን እንዲሸጡ የሚያደርግ፣ ሸማቾች የተሻለ የገበያ አማራጭ እንዲኖራቸው የሚያደርግ፣ በትክክል ተግባራዊ ከተደረገም የደላላ ጣልቃ ገብነትንና የህገ ወጥ ነጋዴዎችን አሻጥር የምንበጥስበት፣ በተቀመጠው አቅጣጫ መሰረት አውን ካደረግነው ምርታማነትን የሚሳድግ የክልሉን የኢኮኖሚ ገጽታ መቀየር የሚያስችል አሰራር በመሆኑ ይህን ተግባር በጥብቅ ዲሲፕሊን ይዞ መስራት ሁሉንም አካል ተጠቀሚ ያደርጋል ነው ያሉት፡፡ ወይዘሮ አትክልት ዐያይዘውም ይህ የገበያ ትስስር የተለያዩ አካላትን ቅንጅታዊ አሰራር የሚጠይቅ በመሆኑ በመካከላችን ምንም ዓይነት መገፋፋት ሳኖር በፍጹም የሃላፊነትና የትብብር መንፈስ መስራት ይገባል፤ ለዚህ ደግሞ አሁን ያለውን የገበያ መሰረተ ልማት ማስፋፋት ቁርጠኝነት እንደ ምቹ አጋጣሚ መውሰድ ተገቢ ነው ብለዋል፡፡ ለተነሱ ጥያቄዎችም ዝርዝር ማብራሪያ ሰጥተዋል፡፡

የአብክመ ንግድና ገበያ ልማት ቢሮ፡፡ “ብሔራዊ ጥቅምና ጂኦ- ስትራቴጂ ቁመና” በሚል ርዕሰ ጉዳይ ላይ በተዘጋጀ ሰነድ የአብክመ ንግድና ገበያ ልማት ቢሮ አመራሮችና ሰራተኞች ውይይት አካሂደዋል፡፡ ሀገራችን ኢትዮጵያ የማንሰራራት ላይ የምትገኝ ለቀጠናው ሰላም እና እድገት ጉልህ ድርሻ ያላት የታላቅ ህዝቦች መኖሪያ ናት ሲሉ የአብክመ ንግድና ገበያ ልማት ቢሮ ምክትል ኃላፊ አቶ ፈንታው ፈጠነ መድረኩን በመክፈቻ ንግግር ሲከፍቱ ስለ ኢትዮጵያ ታላቅነት ገልፀዋል፡፡ የኢትዮጵያን የመለወጥ ጉዳይ የሁሉም ኢትዮጵያዊ ጉዳይ ነው፡፡ ሁሉም ይመለከተዋል፡፡ ሀገሪቱ እያደረገች ያለውን የመለውጥና ብልፅጋናን የማረጋገጥ ተግባር በባለቤትነት መደገፍ ይገባል ሲሉ ምክትል ኃላፊው አሳስበዋል፡፡ ኢኮኖሚያዊ ብልፅግና(ራስነን መቻል፣ከድህነት መውጣት፣መበልጸግ) ፣ ሀገራዊ ህልውና እና ደህንነት ማስፈን፣ ፖለቲካዊ አቅምንና ተጽዕኖ ፈጣሪነትን ማሳደግ፣ የባህል ነፃነትናተፅኖ ፈጣሪነት ማጉላት፣የህዝቦች ማህበራዊ ልማት(ትምህርት፣ጤና፣ማህበራዊ ዋስትና)…. የመሳሰሉ የብሔራዊ ጥቅም መሰረታዊ ግቦቻችን መሳካት ሁሉም የየድራሻውን መወጣት ይኖርበታል ሲሉ የመወያያ ፅሁፉን ያቀረቡት የአብክመ ንግድና ገበያ ልማት ቢሮ አማካሪ ሙሀመድ ጀማል(ዶ/ር) አስገንዝበዋል፡፡ ብሔራዊ ጥቅም የሀገራዊ ህልውና፣ ደህንነትና ብልፅግና ጉዳይ ነው፡፡ ጂኦ- ስትራቴጂክ ቁመና አጀንዳችን የሀገር የህዝብና የትውልድ አጀንዳ ነው ስለሆነም በብሄራዊ ጥቅማችን ላይ ሁላችንም አንድ መሆን ይገባል ሲሉ አማካሪው ጥሪ አቅርበዋል፡፡ የውይይቱ ተሳታፊዎችም ለብሄራዊ ጥቅማችን መጠበቅ ሁሉም የተጣለበትን ኃላፊነት በቁርጠኝነት በቅንነት መወጣት እንደሚገባ አሳስበዋል፡፡ በኢኮኖሚ የበላይነትን ማረጋገጥ ከተቻለ የትኛውንም የሀገር ጥቅም ማስጠበቅ የሚቻል መሆኑን የአለም ነባራዊ ሁኔታ የሚያሳይ ነው – በመሆኑም አንዳችን በሌላኛው ለይ እጣት መቀሳሰርን ትተን የጀመርነውን ሀገራዊ ብልፅግና ለማረጋገጥ ከታች እሰከ ላይ ያለ ማንኛውም አካል በቁርጠኝነት ሊሰራ ይገባል ሲሉ የውይይት መድረኩን የመሩት የቢሮው የህዝብ ግንኙነት ኃላፊ አቶ አቢታ ገበያው አሳስበዋል፡፡ 

ኢብራሒም ሙሐመድ(ዶ/ር) የአማራ ክልል ንግድ እና ገበያ ልማት ቢሮ ሠራተኞች እና የሥራ ኀላፊዎች “ኢትዮጵያ የተስፋ ምድር” በሚል መሪ መልዕክት የታላቁ የኢትዮጵያ ሕዳሴ ግድብ መመረቅን አስመልክተው የፓናል ውይይት በባሕር ዳር ከተማ አካሂደዋል። “እኛ ዓባይን እንገንባ ብንል አቅም የለንም። የውጭ ወዳጅ ሀገራትንም እርዱን ብንል ግብጽን ላለማስቀየም ፈቃደኛ አይኾኑም ። ቀጣዩ ትውልድ በራሱ ንዋይ ይገነባዋል። ጥናቱ በክብር ይቀመጥ” ሲሉ በ1952 ዓ .ም ይህ ዘመን ተሻጋሪ ታሪካዊ ንግግር የቀዳማዊ ኃይለሥላሴ ትንቢታዊ አደራ ዛሬ እነሆ እውን ሆኖ ዳግመዊ አድዋ ተበሰረ፡፡ የያኔው አሻጋሪ መሪ ዕይታቸው እውነትም በዚህ ትውልድ ገቢር ኾነ። ቃል በተግባር ያለምንም መሸራረፍ ተከወነ። ያኔ ቀጣዩ ትውልድ ተብሎ የተነገረላቸው ያሁኑ ትውልድ ቃላቸውን አከበሩ። የማይፋቅ ታሪክንም ሠሩ። የታሪክ ባለቤት የኾኑት የዚህ ዘመን ትውልድም የሕዳሴ ግድብ መመረቅን አስመልክቶ ደስታቸውን በተለያዩ መንገዶች እያስተላለፉ ይገኛሉ። ሌሎች ደማቅ ታሪኮችንም ለመስራት እነሆ ርዕይ ሰነቁ ፡፡  የታላቁ የኢትዮጵያ ሕዳሴ ግድብ መመረቅን አስመልክቶ የአማራ ክልል ንግድ እና ገበያ ልማት የሥራ ኀላፊዎች እና ሠራተኞች “ኢትዮጵያ የተስፋ ምድር” በሚል መሪ መልዕክት የግድቡን መመረቅ አስመልክተው ዛሬ ውይይት አድርገዋል። የፓናል ውይይቱን የመሩት የአማራ ክልል ንግድ እና ገበያ ልማት ቢሮ ኀላፊ ኢብራሒም ሙሐመድ (ዶ.ር) “የራሳችን አቅም መፈተሽ እና መተባበር ከቻልን እንደምንችል አይተናል፤ በዚህም ሁሉም ሊኮራ ይገባል” ብለዋል። ኢትዮጵያ ከዚህም በላይ ማሳካት እደምትችል የታየበት ፕሮጀክት መኾኑንም ለተወያዮች ገልጸዋል። ከግጭት አዙሪት መውጣት ከተቻለ እና ትውልዱ ታሪክ መሥራት የማይታክተው ከኾነ ከታላቁ የኢትዮጵያ ሕዳሴ ግድብ በላይም ታሪክ መጻፍ ይቻላል ነው ያሉት። የታላቁ የኢትዮጵያ ሕዳሴ ግድብ ግንባታ ጠላቶች የሀገሪቱን ልማት ሊያስቆሙት እንደማይችሉ የታየበት ምዕራፍ እንደሆነም አስገንዝበዋል። የባዕዳን ተጽዕኖ እንደተጠበቀ ኾኖ ግድቡ ዳር እንዳይደርስ የውስጥ ባንዳም ተጽዕኖ እንደነበረበት አስታውሰዋል። በቀጣይ ግን ሁሉም ዜጋ ወደ ውስጥ መመልከት እና አንድነትን መርህ ማድረግ ይኖርበታል ነው ያሉት። የታላቁ የኢትዮጵያ ሕዳሴ ግድብ መጠናቀቅ እንደ ትውልድ ምን ትምህርት እንደሚሰጥ ማሰብ ይገባል ነው ያሉት ዶክተር ኢብራሒም። ችግሮችን ሁሉ በመመከት ዳር የደረሰው የታላቁ የኢትዮጵያ ሕዳሴ ግድብ የአይበገሬነት ማሳያ እንደኾነም ነው ቢሮ ኀላፊው የተናገሩት።የአማራ ክልል ንግድ እና ገበያ ልማት ቢሮ ሠራተኞች እና የሥራ ኀላፊዎች “ኢትዮጵያ የተስፋ ምድር” በሚል መሪ መልዕክት የታላቁ የኢትዮጵያ ሕዳሴ ግድብ መመረቅን አስመልክተው የፓናል ውይይት በባሕር ዳር ከተማ አካሂደዋል። “እኛ ዓባይን እንገንባ ብንል አቅም የለንም። የውጭ ወዳጅ ሀገራትንም እርዱን ብንል ግብጽን ላለማስቀየም ፈቃደኛ አይኾኑም ። ቀጣዩ ትውልድ በራሱ ንዋይ ይገነባዋል። ጥናቱ በክብር ይቀመጥ” ሲሉ በ1952 ዓ .ም ይህ ዘመን ተሻጋሪ ታሪካዊ ንግግር የቀዳማዊ ኃይለሥላሴ ትንቢታዊ አደራ ዛሬ እነሆ እውን ሆኖ ዳግመዊ አድዋ ተበሰረ፡፡